我哋喺阿波池田轉搭麵包超人列車，架車好得意呀！
車廂裏面全部都係麵包超人圖像。
無論車頂、車門、座位都係麵包超人。
連月台垃圾箱都有麵包超人圖樣。
喺車廂見到小朋友蓋麵包印才知道當時做緊promotion，儲夠印章數目就有獎，我哋正苦惱點攞小冊子時，那位友善而醒目嘅列車麵包專員即刻為我哋送上，真抵讚！
後來就換咗呢件紀念品。
喺麵包超人列車顛咗一輪，終於到達德島駅。
到達德島駅已經下午六點幾，趕快去搭遊覽船。
乘搭ひょうたん島周遊船進行沿島一周遊，約30分鐘，感覺幾舒服，雖然免費，但係每人要俾100円保險費。
日落嘅景色唔錯。
呢座building都幾有趣。
時間緊迫，原定要去嘅地方都去唔到囉，最後喺車站買弁当做晚餐，返到高松已經十點幾。
高松嘅《キャッスルホテル高松》外貌好殘，不過裏面算唔錯，房內嘅浴室好似溫泉旅館咁，房間亦非常大，每人2100円一晚，住兩晚每人只不過俾4200円，算係幾抵架喇！
沒有留言:
張貼留言