2015.12.29 大洲城 (愛媛県)

終於嚟到四国地區100名城最後一站嘅伊予大洲駅喇。

又要上山喇，好彩天氣唔錯呢！

快喇……快喇……就到囉！

到咗喇，因為喺2004復原重建，望落去仲新簇簇。

除咗天守，仲有啲啲修復嘅項目。

山頂範圍大，天色好嘅話，慢慢逛下都唔錯。

行返落山，附近有條「おはなはん通り」，都有好多歷史建築，不過當日係年末，全部都休息冇開，睇唔到喇。

2015.12.29 宇和島城 (愛媛県)

今日繼續追城之旅，大清早出發，到達宇和島駅時已經11點。

原來宇和島有個市営闘牛場，歡迎學生去睇，初中生以下免費。

闘牛就唔啱睇喇，先去きさいや広場食午飯。

食飽就即刻出發，跟住指示行，終於到登山口喇。

行呀行，起碼要行半個鐘，好彩山路都唔算太崎嶇。

到喇，上到山頂，好廣闊喎。

宇和島城就在眼前，行快兩步，先要完成最重要嘅任務──蓋印。

2015.12.28 湯築城 (愛媛県)

今日第二站係湯築城，喺「公園前」駅下車，行1分鐘就到。

湯築城喺道後温泉附近，係一個好大嘅公園。

公園裏面乜櫓都無，只有一個湯築城資料館，免費入場。

最重要嘅任務當然係蓋名城印啦。

ガイドさん非常親切，逐一介紹館內嘅展品。

資料館旁邊有個好細嘅展館，有幾個河野氏嘅模型。