2015.12.28 今治城 (愛媛県)

今朝早八點半出發，第一站係今治城。

今治城係100名城，又係日本三大水城之一，喺外圍睇，個人覺得非常靚。

沿城門通道，經高麗門、山里櫓，就進入今治城公園範圍。

公園面積唔算大，朝早嘅遊人亦唔多。

最重要梗係去蓋名城印啦，模擬天守嘅外觀唔算宏偉，上到頂層可以見到瀬戸内海and来島海峡大橋架。

今治城公園裏面嘅吹揚神社，俾人一種寧靜祥和嘅感覺。